عندك قشرة ! اكيد لانك مو نظيفة
مفهوم ان القشرة سببها ان الانسان مو نظيف كفاية ، بكل بساطة و مصداقية ، اسطورة من اساطير الاولين ، بس مو كليا لحدن ما — اكيد اذا كنت مهملة بنظافتك و نظافة شعرك و محيطك ، فبتكون دعوه صريحه لجميع انواع المشاكل الصحية و النفسيه ، و لكن التنظيف (على قل سنع) بالطريقة و المواد الغلط هو الاذية بعينها .
الكيمياء المنسية …
نفس ما بشرتك تنصتين لها و تعرفين تقرين تعبيرها و تمردها اذا اختل توازنها او كانت تعاني لازم تتعلمين تقرين فروة راسك اذا تحاول توصلك رسالة مثلا ان مستوى ال pH يحتاج يتوارن لا يرتفع و تصير حامضية و لا ينخفض و تصير قلوية . خير الامور اوسطها .
و لهذا السبب ، مو أي شامبو يناسبك .
نفس ما القشرة ماتعني عدم النظافة ، الرغوة ما تعني النظافة و لا الفاعلية، ومو كل إعلان يستاهل نصدقه.
فيه منتجات تنشف فروة الراس وتخرب توازنها… وبعدها تبدأ المعاناة الازلية : حكة، جفاف، قشرة مالها نهاية.
لخطوة الأولى: شامبو GK Hair pH+
جرّبي شامبو +pH من GK Hair… و بتحسين بالفرق
مو مجرد شامبو عادي — هذا منتج صمم عشان يحقق معادلة متوازنة ل pH فروة راسك.
خفيف، وما فيه سلفات تخرّب التوازن
خالي من المواد اللي تعطيك رغوة كذابة… وتترك شعرك مرهق بعدين.
يحرم الفطريات من انها تلاقي البيئة المثالية عشان تتكاثر و تسبب مشاكل لها اول مالها تالي .
وإذا كنتِ من عشاق الأسود (سواء عبايتك أو فساتينك)…
بترجعي تعيشي احساس الكتف النظيف
ما في داعي تنظفينه كل شوية أو تظلين تشكّين في مظهرك.
و على قولة احلام مستغانمي “الاسود يليق بك ” .
بس الأجمل؟ لما يظل أنيق… ولا في اي شي يخرب عليك كشختك .
طيب… وإذا كانت القشرة بدأت فعلاً؟
اذا طاح الفاس بالراس ، و القشرة موجودة و تخطينا مرحلة توازن ال pH لا تشيلين هم و لا تكدرين خاطرك.
، الموضوع ما يحتاج دراما، بس يحتاج خطوة ذكية ، سريعة ما تحتمل التاجيل .
وهنا يجي دور شامبو Anti-Dandruff من GK Hair — مو مجرد غسول، هو علاج متنكر في هيئة شامبو.
-
فيه تركيبة مدروسة مدعومة بـ Juvexin®، اللي تغذي شعرك وتصلّح الضرر مع كل غسلة.
-
ينظف بلطف، ويوازن بيئة فروة الرأس، ويزيل القشرة الظاهرة بدون ما يخلّ بتوازن الزيوت الطبيعية.
- وما يعطيكِ ذاك الإحساس “المشدود” بعد الغسيل — لا جفاف، ولا قساوة… بس نظافة مريحة تحبينها.
وفي أجواء الخليج،
اللي فيها حر، ورطوبة، وعرق، وتسريحات يومية…
اختيار الشامبو الصح مو رفاهية،
هو روتين ذكي يحافظ على راحتك وثقتك.
بعد ما تغسليه…طمنيه
محاربة القشرة خطوة مهمة،
بس العلاج ما يوقف على انك تغسلينه و تحاربين القشرة ، لازم تعززين حمايته بما بعد الشامبو و ما بعد الغسل .
خصوصًا مع اجوائنا المتقلبة ،
والاستشوار، و الروتينات التجميلية ، اللي صارت جزء من المخطط اليومي… التغذية هنا ما هي خيار،
هي طقس مقدّس.
وهذا بالضبط وقت دخول سيروم الأرغان من GK Hair —
اكثر من سيروم ، هدية من قلب طبيعة المغرب الغنية ، سر توارثته الاجيال ، و انبعث من جديد ، في اهم العلاجات التجميلية الحديثة .
دور زيت الارغان :
- تهدئة الفروة بعد المعركة مع القشرة
- حفظ الترطيب اللي أعطاه الشامبو
- ترويض النفشة بدون ما يسدّ المسام
- ويترك وراه نعومة… وعطر هادئ
العناية و العلاج و حتى التغذية مو شي عابر هذا لازم يصير روتين ثابت .
الغسيل هو السبب …
عكسية الغسيل ، انت نظيفة بزيادة ! غلط انت مؤذية .
كلما غسلتي شعرك اكثر من اللازم و الصحي و باعتماد مستحضرات ما تناسبه ، جنت على نفسها براقش.
بس جذور شعرك و حتى اطرافه تدّهَن بسرعة…
فـ يمكن صار وقت ال break،
يمكن كل اللي تحتاجينه هو توقفي الغسيل يوم
وهنا يجي دور Dry Shampoo يساعدك تأخذين استراحة من الغسيل اليومي،
من دون ما تضطرين تتخلّين عن الإحساس بالانتعاش.
- يمتص الدهون الزايدة
- يترك الفروة مرتاحة ومتوازنة
- مثالي للبنات اللي يلبسون الحجاب
أو لأي وحدة حابة تحافظ على سشوارها يوم زيادة.
باختصار؟
هو حل ذكي… لمن تبغين شعرك يظل نظيف، من غير ما تعدمينه
روتين أبسط… ونتائج أصدق
سواء كنتِ تواجهين قشرة، تراكم، أو بس أسبوع مزعج فيه حكة…
الحل ما هو في المبالغة،
هو في الاستمرار بلُطف.
روتين متوازن على طريقة GK Hair:
-
ابدئي بشامبو +pH مرة أو مرتين في الأسبوع عشان تعيدين توازن فروة راسك بهدوء، من غير ما تعصّبينها.
-
استخدمي شامبو Anti-Dandruff إذا لاحظتِ قشرة ظاهرة أو تحسّس بسيط – منتج مصمم للعلاج بدون قسوة .
-
في ايام البريك استخدمي Dry Shampoo عشان تحافظين على نظافة شعرك و انتعاشه… بدون إفراط.
-
اختمي بالسيروم — خطوة بسيطة بس فعّالة، تحبس الترطيب، وتهدّي الأطراف، وتخلّي شعرك يتنفس.
فروة راسك تعرف… اسمعيها
في منطقتنا، بين حرارة الجو، الرطوبة، وضغط الحياة اليومية… شعرك يتحمّل كثير.
بس الحل؟
ما يحتاج قسوة، ولا وصفات معقّدة.
أحيانًا، كل اللي تحتاجينه هو منتج يحترم طبيعة فروة راسك،
ويشتغل معها، مو ضدّها.
قولي وداعًا للقشرة —
مو لأنك غسلتي أكثر،
بل لأنك اخترتِ تعتنين بشعرك… بذكاء ورفق.
