صيف 2025 غير … جمالنا سعودي
اللوكات و الموضه ماصارت تقليد صارت كيف تشكلين الموضه على اللي يناسبك و يمثلك
الحين هي اختيار ، تعبير ، تمرد ، و جراءة
من القصات القصيرة اللي كثير ترددن فيها أول… وصار الكل يتحمّس لها،
للألوان الدافئة اللي تعانق البشرة وتعطيك حضور ناعم ما يحتاج صخب.
الستايلات خفيفة، لكن تترك أثر… وكل طلة تقول شيء عنك من دون ما تتكلمين.
هالسنة، الجمال يمشي على خط رفيع بين الراحة والجرأة —
وإحنا هنا عشان نشاركك أبرز التوجهات اللي فعلاً تستحق التجربة .
قصات الشعر اللي ماخذة الجو هالصيف
حر ، ورطوبة ، و بحر او كلور ….البنات مع كل هالعوامل يدورون البسيط الانثوي اللي ما يستهلك وقت فترتيبه، قصات و ستايلات كلها حياة و نعنشة ، ستايلات تقول هذا الصيف وصل … واحنا له مستعدين ، نقص شعرنا و نجدد لوكاتنا .
البوب الفرنسي
قصة قصيرة أنيقة، تجمع بين النعومة والجرأة فوقت واحد.
تخلي مظهرك مرتب وهادئ، بس فيه لمحة ثقة و غنج فطري .
تصلح لك لو حابة تبدأين مرحلة جديدة بشي بسيط… بس كيوت.
ما تحتاج تجهيز كثير —
بس شوية شمع للأطراف، وسشوار سريع يخلّيها تطلع مثل ما تبين
وش يناسبها؟
– ThermalStyleHer لحماية الشعر قبل التصفيف
– Leave-In Conditioner Spray يهدّي النفشة ويحافظ على ترتيب الشعر وسط الرطوبة
قصة الفراشة
هالقصة فيها خفة، بس ما تخلّيك تضحّين بطول شعرك.
الطبقات تعطي شكل لطيف وحركة ناعمة، وتخلي الشعر يطيح طبيعي بدون جهد.
وش يناسبها؟
– موس Styling Mousse يعطي كثافة من الجذور
– ماسك ترطيب عميق مرة في الأسبوع
– سيروم Argan Oil يعطي لمعة حلوة ويبرز كل طبقة بهدوء
الغرّة الستارية أو بيركن
الفرق يكون في التفاصيل: غرة تنزل بهدوء من الجانبين أو تلامس الرموش بخفة.
هالقصات تعطي ملامحك نعومة، وتندمج بسهولة مع أي تسريحة بدون ما تقصين كثير.
وحتى يوم يطول شعرك شوي، تبقى حلوة.
وش يناسبها؟
–كريم تصفيف خفيف Cashmere Hair Cream
– Dry Shampoo يحافظ على الحجم من غير ما تحتاجين تغسلينه كل شوي
الغرّة الخفيفة (Wispy Bangs)
إذا تبين لمسة تغيير، بس ما تبين تندمين — الغرّة الخفيفة تعطيك هالتوازن.
تفتّح الوجه، وتضيف حركة بسيطة من غير ما تفرض حضور قوي.
وش يناسبها؟
– Styling Mousse خفيف
– لمسة من Argan Serum علشان تبقى ناعمة ومرتبة طول اليوم
تسريحات الشعر اللي تزين كل مشوار ومناسبة هالصيف
الحرّ في السعودية مو بسيط،
لكن البنات دائمًا يلاقون طريقة يخلّون الستايل يليق بالمكان… والجو.
وفي الصيف تحديدًا؟
الرفعات صارت الخيار الأول — تبرز الملامح، وتخلي الشعر بعيد عن التعرّق،
وفي نفس الوقت… تطلعين بكامل أناقتك من دون ما تحسين بثقل أو حرارة مزعجة.
الرفعة الأنيقة (Polished Updo)
تسريحة ناعمة، مشدودة بلطافة، وتناسب المناسبات الكبيرة مثل الأعراس أو العزايم الرسمية الفخمة.
تسولف انوثة و ذوق ، وتخلّي تفاصيل وجهك تبان من دون زحمة خصل.
وش يناسبها؟
– Strong Hold HairSpray لتثبيت الرفعة طوال اليوم
– Leave-In spray يهيّئ الشعر قبل التسريح
النصف رفعة (Half Updo)
ستايل ناعم وبسيط… يخلّي جزء من الشعر طايح، والجزء الثاني مرفوع بخفّة.
مثالي للطلعات، العزايم، أو حتى خطبة عائلية.
وش يناسبها ؟
– موس تصفيف Styling Mousse لرفع بسيط في التاج
– Argan Oil يهدّي الأطراف ويضيف لمعة ناعمة
الرفعة مع غرّة ناعمة (Fringe Updo)
لو تبين الرفعة بس بدون ما يطلع اللوك رسمي بزيادة…
حطي لمسة غرّة خفيفة أو شعر صغير ينسدل عالجبين. يخفّف من شدّة التسريحة، ويعطيك طابع رومانسي هادي.
وش يناسبها ؟
– Leave-In Spray يلين الشعر قبل الرفعة
– Strong Hold HairSpray يساعدك تتحكّمين بالغرّة والشعرات الصغيرة حول الوجه
الشعر الطبيعي المرتّب (Natural Messy Hair)
لما تكونين طالعة بسرعة، أو تبين لوك كأنك “صحيت كذا”…
هالتسريحة تعطيك حركة ناعمة، كأن الهواء صفّف شعرك.
خفيفة، منعشة، وتناسب الصيف تمامًا.
وش يناسبها ؟
– CurlsDefineHer أو موس خفيف (حسب نوع شعرك)
– Leave-In Bombshell Cream يرطّب بدون ما يثقل
تعالي نلون مع صيف 2025
اللمعة، الأبعاد، والنغمات الدافئة… كلها صارت جزء من الستايل السعودي الحديث. صيف 2025 جاي بألوان ناعمة تحتضن أشعة الشمس وتعطيك وهج أنثوي من دون ما تبهّتك.
عسلي مشمشي / أشقر عباد الشمس
درجات الأشقر الذهبي مع لمعة دافئة، تمشي مع كل درجات البشرة وتعطي مظهر طبيعي كأن الشمس لامسة شعرك.
بالياج كراميل / أشقر ناعم
ستايل البالياج لا زال محبوب لأنه يعطي لون أنيق بجهد أقل، ويخلي الأطراف تتوهّج كأنها مصففة طبيعيًا بالشمس.
موكا لامع (Mocha Mousse)
لون بني غني ولمعته هادئة، يعطي حضور أنيق ومتوازن — مثالي للعمل أو الجامعة أو حتى مشاوير المساء.
لون شعرك… كيف تدلّعينه وتحمينه؟
سواء كنتِ من عشاق الأشقر الفاتح، أو تميلين للدرجات الدافئة
والغامقة، الشعر المصبوغ دايم يحتاج لمسات حبّ خاصة.
خصوصًا مع حرارة الصيف، و فعاليته اللي ما تخلص … اللون ممكن يبهت، و الخصل تصير شعثانة .
ولهالسبب، اخترنا لك GK Hair مجموعة منتجات تساعدك تحافظين على اللون وتزيدين اللمعة، بدون ما ياخذ من وقت فعالياتك او يتغير جوك و طلعاتك
– Moisturizing Shampoo & Conditioner
ينظّف بلطف، ويرطّب بعمق، ويترك شعرك بنعومة تُشبه الرفاهية ,لأن الشعر المصبوغ تحديدًا، يحتاج عناية مضاعفة تحمي لونه، و تدلله بعد كل تلوين
– Ultra Blonde Bombshell Masque
لو شعرك فاتح أو فيه خصل أشقر؟ هذا القناع يغذّي اللون ويحميه من البهتان، ويخلّيه يلمع وكأنك توكِ طالعة من الصالون.
علاج بروتيني يوازن الشعر بعد الصبغة، يقوي الخصل، ويقلل الضرر اللي يجي مع التلوين المتكرر.
لمسة ناعمة تغلّف الشعر، تعطيه لمعان صحي وتحميه من الجفاف والتقصف — خصوصًا في الأطراف.
رشّة خفيفة تعطي لمعة حريرية من غير ما تحسّين بثقل أو لزوجة — مثالية للطلعة أو التصوير أو حتى مزاجك بس.
على فكرة…
الصيف مو بس حرارة وطلعات — هو وقت الدلع، وقت الإشراقة اللي تبدأ من داخلك وتكمل على خصل شعرك.
غيري، جددي، جربي الستايل اللي يعجبك… بس لا تنسين إن العناية تبقى دايمًا سر اللمعة، والثقة، والإحساس الحلو بنفسك.
خلي كل خطوة في روتينك تقول: أنا أستاهل أعتني بنفسي — مو لأن في مناسبة… بس لأنكِ أنتِ المناسبة.
